Fréttir
RIFF sýnir Cry Baby í bílabíói hátíðarinnar við Reykjavíkurflugvöll | 8.9.2010
Undanfarin ár hefur RIFF, Alþjóðleg kvikmyndahátíð í Reykjavík, sýnt eina klassíska kvikmynd í bílabíói hátíðarinnar, og verður engin undantekning gerð frá þeirri reglu í ár. Það er John Waters smellurinn Cry Baby með Johnny Depp í farabroddi sem prýðir hvíta tjaldið að þessu sinni, en myndin fagnar einmitt 20 ára afmæli sínu í ár. Myndin verður sýnd í flugskýli 3 við Reykjavíkurflugvöll miðvikudagskvöldið 29. september næstkomandi og hefst sýningin kl. 21. Farið er að skýlinu í gegnum Skerjafjörðinn. Mögulegt verður að keyra inn í flugskýlið og verður hægt að ná hljóðrás myndarinnar í gegnum útvarpstæki í bílunum...meira
Mamma Gógó fær góðar viðtökur erlendis | 8.9.2010
Eftir góðar viðtökur kvikmyndarinnar Mömmu Gógó í leikstjórn Friðriks Þórs Friðrikssonar hér á landi hefur hún för sína um heiminn og verður frumsýnd á alþjóðlegum vettvangi á Kvikmyndahátíðinni í Toronto sem haldin verður 9. - 19. september. Mamma Gógó er eina íslenska sem valin var inn á Toronto að þessu sinni en Toronto hátíðin er ein stærsta kvikmyndahátið í heimi og er í A flokki hátíða á borð við hátíðirnar í Cannes, Berlin og Feneyjum. ..meira
The Endurance í Bæjarbíói í kvöld | 7.9.2010
Vetrarsýningar kvikmyndasafnsins hefjast í Bæjarbíói í kvöld. Fyrsta myndin er The Endurance: Shackleton´s Legendary Antarctic Expedition. Myndin fjallar um Suðurskautsleiðangur sem Ernest Shackelton lagði upp í árið 1914. Ætlunin var að ganga þvert yfir Suðurskautið, en það hafði aldrei verið reynt áður. Heimildarmyndin blandar saman upprunalegu efni, bæði ljósmyndum og hreyfimyndum, sem hefur varðveist frá leiðangrinum 1914 og nýju efni teknu upp á sömu stöðum. Sögumaður hennar er Liam Neeson.
Ýtarlega umfjöllun um myndina er að finna hér.
..meira
Tólf myndir keppa um Gyllta lundann á RIFF - hulunni svipt af dómnefnd hátíðarinnar | 31.8.2010
Nú er komið í ljós hvaða tólf myndir keppa um aðalverðlaun RIFF, Alþjóðlegrar kvikmyndahátíðar í Reykjavík í ár. Keppnisflokkurinn nefnist Vitranir (e. New Visions) en í þeim flokki tefla nýir leikstjórar fram sinni fyrstu eða annarri mynd í keppni um að verða útnefndir Uppgötvun ársins. Sigurvegarinn hlýtur svo aðalverðlaun hátíðarinnar, Gyllta lundann, sem var hannaður af Stefáni Pétri Sólveigarsyni. ..meira
Regnboginn verður að Bíó Paradís - heimili kvikmyndanna | 31.8.2010
Regnboginn við Hverfisgötu gengur í endurnýjun lífdaganna þann 15. september næstkomandi og fær heitið Bíó Paradís - heimili kvikmyndanna. Bíó Paradís mun hafa á dagskrá sinni nýjar áhugaverðar kvikmyndir víðsvegar að, auk hverskyns eldri mynda erlendra sem innlendra, hýsa kvikmyndahátíðir og standa fyrir hverskyns kvikmyndatengdum viðburðum. Þá er stefnt að því að koma á reglulegum skólasýningum í húsinu þar sem markmiðið er að efla þekkingu og menntun á þessari mikilvægu listgrein. Þar verður einnig að finna veitingahús og verslun með mynddiska og annan kvikmyndatengdan varning. ..meira
RIFF og Iceland Airwaves í samstarf - heimildarmynd um tónlistarhátíðina sýnd á RIFF | 30.8.2010
Tvær af stærstu listahátíðum landsins, RIFF, Alþjóðleg kvikmyndahátíð í Reykjavík, og tónlistarhátíðin Iceland Airwaves hafa ákveðið að leiða saman hesta sína og efna til samstarfs á kvikmyndahátíðinni nú í ár. Samstarfið felst í því að heimildarmyndin Where Is The Snow? sem fjallar um tónlistarhátíðina verður heimsfrumsýnd á RIFF nú í haust, auk þess sem einhverjir þeirra listamanna sem koma fram á Airwaves munu einnig koma fram á frumsýningunni...meira
Með hangandi hendi heimsfrumsýnd á RIFF - Raggi Bjarna tekur lagið við frumsýninguna | 27.8.2010
Heimildarmynd Árna Sveinssonar, Með hangandi hendi, sem fjallar um hinn ástsæla söngvara Ragnar Bjarnason, verður heimsfrumsýnd á Alþjóðlegri kvikmyndahátíð í Reykjavík sem fram fer dagana 23. september til 3. október næstkomandi. Þá mun Ragnar taka lagið við frumsýningu myndarinnar, en nákvæm tímasetning hennar verður auglýst þegar nær dregur. ..meira
Umhverfismyndir í öndvegi á Alþjóðlegri kvikmyndahátíð í Reykjavík í ár | 27.8.2010
Mikil gróska er í gerð kvikmynda sem fjalla um umhverfismál með einum eða öðrum hætti. Þriðja árið í röð veitir RIFF, Alþjóðleg kvikmyndahátíð í Reykjavík, þessum myndum sérstaka athygli í flokki mynda sem kallast Nýr heimur. Sjö myndir verða í flokknum að þessu sinni og verða verðlaun veitt fyrir bestu myndina í flokknum. Flokkurinn er unninn í samvinnu við vefsíðuna nature.is...meira
Rúnar Rúnarsson undirbýr tökur á Eldfjalli | 27.8.2010
Kvikmyndagerðarmaðurinn Rúnar Rúnarsson er fluttur heim til Íslands eftir átta ára dvöl í Kaupmannahöfn og undirbýr nú tökur á kvikmyndinni Eldfjall. Eldfjall er fyrsta kvikmynd Rúnars í fullri lengd, en hingað til hefur hann fengist við stuttmyndagerð og hlotið fjölda verðlauna og viðurkenninga fyrir verk sín bæði hérlendis og á alþjóðlegum vettvangi. Rúnar hlaut svokölluð Special mention verðlaun fyrir drög að Eldfjalli í keppninni Nordic talent 2009, en þar leggja efnilegir leikstjórar fram drög að sínu næsta verki.
..meira
Inhale frumsýnd í Bandaríkjunum í haust | 27.8.2010
Kvikmynd Baltasars Kormáks, Inhale, verður frumsýnd í kvikmyndahúsum í Bandaríkjunum þann 22. október. Í myndinni leika Diane Kruger og Dermot Mulroney bandarísk hjón sem í örvæntingarfullri leit að lungnagjafa handa dóttur sinni halda til Mexíkó til að finna ólöglegan líffæragjafa og lækni sem er tilbúinn til að framkvæma slíka aðgerð. Myndin var forsýnd í Bandaríkjunum síðasta vor, en þá var hún önnur tveggja mynda sem sýndar voru á ráðstefnu Berkeley-háskólans um ólöglega sölu og smygl á líffærum úr fólki. Inhale er þegar fáanleg á DVD og Blue Ray í Hollandi og hefur stikla úr myndinni verið sett á netið til kynningar. Hana má sjá hér. ..meira
Fyrsta íslenska þrívíddarmyndin frumsýnd í september | 26.8.2010
Kvikmyndin algjör Sveppi og dularfulla hótelherbergið verður frumsýnd hinn 10. september næstkomandi. Myndin er fyrsta leikna kvikmyndin sem tekin er upp í þrívídd á Íslandi og Norðurlöndunum. Leikstjóri myndarinnar er Bragi Þór Hinriksson og skrifaði hann handritið ásamt Sverri Þór Sverrissyni, sem betur er þekktur undir nafninu Sveppi. Með aðalhlutverk fara Sverrir Þór Sverrisson (Sveppi), Vilhelm Anton Jónsson (Villi naglbítur), Guðjón Davíð Karlsson (Gói). ..meira
The Good Heart verður framlag Íslands til kvikmyndaverðlauna Norðurlandaráðs | 26.8.2010
Kvikmyndin The Good Heart eftir Dag Kára Pétursson verður framlag Íslands til kvikmyndaverðlauna Norðurlandaráðs. Myndin keppir við fjórar aðrar norrænar kvikmyndir, Submarino frá Danmörku, Miesten Vuoro frá Finnlandi, Upperdog frá Noregi og Metropia frá Svíþjóð. Allar myndirnar sem tilnefndar eru verða sýndar á vegum Græna ljóssins dagana 29. október til 4. nóvember. Verðlaunin verða afhent á Norðurlandaráðsþingi í Reykjavík þriðjudaginn 2. nóvember. ..meira
Heimildarmynd um snjóflóðin á Flateyri frumsýnd í október | 26.8.2010
Norð Vestur, heimildarmynd eftir Einar Þór Gunnlaugsson, verður frumsýnd í október nk. Það er fyrri hluti, um 100 mín. að lengd, en seinni hluti er aðeins ætlaður fyrir sjónvarp og DVD, alls um 3 klst efni. Myndin rekur sögu björgunaraðgerða vegna snjóflóðsins sem féll á Flateyri fyrir 15 árum, í október 1995, sem var mannskæðasta snjóflóð á Íslandi í nær fjórar aldir. ..meira
RWWM fær jákvæða umfjöllun í dönskum fjölmiðlum | 26.8.2010
Mikið hefur verið fjallað um kvikmynd Júlíusar Kemp, Reykjavík Whale Watching Massacre í dönskum fjölmiðlum undanfarið og vona danskir blaðamenn að myndin verði sýnd í kvikmyndahúsum þar í landi fljótlega. Jyllandsposten birti á dögunum nokkurra blaðsíðna umfjöllun um myndina og Extra bladet birti nýlega viðtal við hinn danska Torsten Metalstein Hvas sem ásamt Sjón samdi handritið að myndinni. Í viðtalinu segir Torsten meðal annars frá því hvernig hugmyndin að myndinni kviknaði á Oceania hótelinu í Varese á Ítalíu þar sem þeir Sjón hripuðu niður fyrstu drög að handriti á servíettur og annan tiltækan pappír í lobbýi hótelsins. Viðtalið má lesa hér...meira
BFI safnar fé til að bjarga þöglum myndum Hitchcocks | 10.8.2010
Breska kvikmyndastofnunin BFI stendur fyrir fjáröflun til þess að bjarga níu þöglum myndum Hitchcocks frá árunum 1925-1929 og koma þeim á stafrænt form. Myndirnar eru: The Pleasure Garden (1925), The Lodger (1926), Easy Virtue (1927), The Ring (1927), Downhill (1927), Champagne (1928), The Farmer´s Wife (1928), The Manxman (1929) og Blackmail (1929). Nánari upplýsingar um fjáröflunina eru hér: http://www.bfi.org.uk/saveafilm.html
..meira
Tökum á Gauragangi lokið í bili | 8.8.2010
Þrátt fyrir hitabylgju í júlí hafa upptökur á Gauragangi gengið vonum framar en sagan af Ormi og félögum gerist að vetri til og hafa leikarar því þurft að láta sig hafa það að leika í vetrarklæðnaði innandyra í góðviðrinu. Sögusvið myndarinnar er árið 1979 og hafa leikarar því verið klæddir polyesterpeysum og Alafossúlpum það sem af er sumri.
..meira
Sumarlandið frumsýnd í september | 8.8.2010
Kvikmynd Gríms Hákonarsonar Sumarlandið verður frumsýnd í september. Myndin fjallar um fjölskyldu sem rekur álfatengda ferðaþjónustu og býður upp á miðilsfundi. Grímur Hákonarson leikstýrði myndinni og skrifaði handrit ásamt Ólafi Agli Ólafssyni. Með aðalhlutverk fara Ólafía Hrönn Jónsdóttir og Kjartan Guðjónsson. Hægt er að sjá skemmtilega stiklu úr myndinni hér. Hægt er að fylgjast með myndinni á Facebook.
..meira
Íslenska myndin Knowledgy frumsýnd á RIFF | 8.8.2010
Stuttmyndin Knowledgy eftir þær Hrefnu Hagalín og Kristínu Báru Haraldsdóttur verður frumsýnd á Íslandi á Alþjóðlegri kvikmyndahátíð í Reykjavík nú í haust.
Um er að ræða einstaklega metnaðarfullt lokaverkefni úr Kvikmyndaskóla Íslands, en þær stöllur útskrifuðust þaðan í vor. Þær fengu hverja stjörnuna á fætur annarri til liðs við sig við gerð myndarinnar, en ber þar helstan að nefna bandaríska leikarann Leo Fitzpatrick sem fer með aðalhlutverkið. Margir muna eflaust eftir Fitzpatrick úr hinni umdeildu kvikmynd Kids (1995) en í henni fór hann með hlutverk aðalsöguhetjunnar Telly. Þá hefur hann einnig leikið í sjónvarpsþáttunum The Wire, sem mikið hefur verið rætt um hér á landi að undanförnu.
..meira
36 kvikmyndir staðfestar á Alþjóðlegri kvikmyndahátíð í Reykjavík | 27.7.2010
Alþjóðleg kvikmyndahátíð í Reykjavík fer fram dagana 23. september til 3. október næstkomandi. Dagskrá hátíðarinnar er að taka á sig mynd þessa dagana og hafa 36 myndir nú verið staðfestar. Þá bárust þær fréttir nýlega að bandaríski kvikmyndagerðarmaðurinn Jim Jarmusch verður sérstakur heiðursgestur hátíðarinnar...meira
Kóngavegur til Sviss | 16.7.2010
Kvikmyndin Kóngavegur eftir Valdísi Óskarsdóttur hefur verið valin á kvikmyndahátíðina í Locarno í Sviss í ágúst. Myndin keppir í flokknum Filmmakers of the present. Valdís, Nína Dögg Filippusdóttir og Gísli Örn Garðarson verða viðstödd hátíðina.
..meira
8.9.2010
RIFF sýnir Cry Baby í bílabíói hátíðarinnar við Reykjavíkurflugvöll
8.9.2010
Mamma Gógó fær góðar viðtökur erlendis
7.9.2010
The Endurance í Bæjarbíói í kvöld
31.8.2010
Tólf myndir keppa um Gyllta lundann á RIFF - hulunni svipt af dómnefnd hátíðarinnar
31.8.2010
Regnboginn verður að Bíó Paradís - heimili kvikmyndanna
30.8.2010
RIFF og Iceland Airwaves í samstarf - heimildarmynd um tónlistarhátíðina sýnd á RIFF
27.8.2010
Með hangandi hendi heimsfrumsýnd á RIFF - Raggi Bjarna tekur lagið við frumsýninguna
27.8.2010
Umhverfismyndir í öndvegi á Alþjóðlegri kvikmyndahátíð í Reykjavík í ár
27.8.2010
Rúnar Rúnarsson undirbýr tökur á Eldfjalli
27.8.2010
Inhale frumsýnd í Bandaríkjunum í haust
RIFF sýnir Cry Baby í bílabíói hátíðarinnar við Reykjavíkurflugvöll
8.9.2010
Mamma Gógó fær góðar viðtökur erlendis
7.9.2010
The Endurance í Bæjarbíói í kvöld
31.8.2010
Tólf myndir keppa um Gyllta lundann á RIFF - hulunni svipt af dómnefnd hátíðarinnar
31.8.2010
Regnboginn verður að Bíó Paradís - heimili kvikmyndanna
30.8.2010
RIFF og Iceland Airwaves í samstarf - heimildarmynd um tónlistarhátíðina sýnd á RIFF
27.8.2010
Með hangandi hendi heimsfrumsýnd á RIFF - Raggi Bjarna tekur lagið við frumsýninguna
27.8.2010
Umhverfismyndir í öndvegi á Alþjóðlegri kvikmyndahátíð í Reykjavík í ár
27.8.2010
Rúnar Rúnarsson undirbýr tökur á Eldfjalli
27.8.2010
Inhale frumsýnd í Bandaríkjunum í haust
Gerast áskrifandi
Gætið að réttu netfangi.
