31. mars 2010
Björn Br. Björnsson: Framleiðsla kvikmynda skilar okkur góðum arði
Nýlega voru birtar niðurstöður könnunar á fjármögnun íslenskra kvikmynda sem framleiddar voru á árunum 2006 - 2009. (Með kvikmynd er hér átt við bíómyndir, leikið sjónvarpsefni, heimilda- og stuttmyndir). Þessi könnun færir okkur í fyrsta sinn staðreyndir um fjárhagslega þætti kvikmyndaframleiðslu á Íslandi. Frá sjónarhóli skattgreiðenda er meginniðurstaðan sú að þeir fjármunir sem ríkisvaldið fjárfestir í kvikmyndum skila sér að fullu til baka í formi launaskatta. Þá eru ótaldir aðrir beinir og óbeinir skattar. Fjárfesting í kvikmyndum skilar samfélaginu með öðrum orðum beinum fjárhagslegum arði.
Í ljós kom einnig að 2.7 milljarða fjárfesting ríkisins í þessum kvikmyndum laðaði að sér rúma 4 milljarða af innlendu fjármagni og 5.2 milljarða af erlendu fjármagni.
Það er fjárfesting ríkisins sem laðar að sér þetta fjármagn því hún er forsenda þess að hægt sé að fjármagna myndirnar. Án þeirrar viðurkenningar sem kvikmyndasjóður heimalands gefur verkefninu fæst ekki annað fjármagn. Þess vegna eru íslenskir kvikmyndasjóðir þessum iðnaði svo gríðarlega mikilvægir - þótt aðeins 13% fjármagnsins sem til þarf komi úr þeim sjóðum.
Sókrates á að hafa sagt að öll ill verk stafi af fáfræði og í því ljósi má kannski skoða þá stefnu núverandi ríkisstjórnar að skera sértaklega mikið framlög til kvikmyndasjóða. Þessi nýja könnun sviftir hinsvegar burt hulu fáfræðinnar svo nú blasa staðreyndirnar við.
Hin efnahagslegu rök fyrir fjárfestingu ríkisins í kvikmyndum eru fleiri því fjöldi rannsókna hefur sýnt að kvikmyndir hafa veruleg bein áhrif á ferðamannastraum og þar með gjaldeyristekjur þjóðarinnar.
En kvikmyndaframleiðsla er ekki bara peningalega arðbær frá sjónarhóli ríkisins heldur hefur hún margvísleg önnur jákvæð áhrif. Hún skapar störf sem ungt fólk hefur áhuga á við að framleiða íslenskar menningarafurðir. Íslenskar sögur. Það er mikilvægt að þær sögur séu sagðar á tungumáli kvikmyndarinnar. Tungumáli sem hefur aðgang að fólki um alla veröldina - og ekki síður - unga fólkinu okkar.
Nú er þörf á mannaflsfrekum framkvæmdum til að örva íslenskt efnahagslíf. Kvikmyndaiðnaðurinn er tilvalinn til þess. Þessi nýja könnun sýnir að 2.7 milljaða fjárfesting ríkisins í kvikmyndum skilaði sér öll til baka með góðum vöxtum á skömmum tíma. Hún laðaði að sér innlent og erlent fjármagn svo hér var framleitt kvikmyndaefni fyrir 12 milljarða króna - og yfir 70% þess fjár fór í launagreiðslur. Býður einhver betur?
Hvað þarf til að ráðamenn hætti að tala um tiltrú sína á íslenskri nýsköpun, hugviti og handverki - og sýni hana í verki?
Björn Br. Björnsson: Framleiðsla kvikmynda skilar okkur góðum arði
Nýlega voru birtar niðurstöður könnunar á fjármögnun íslenskra kvikmynda sem framleiddar voru á árunum 2006 - 2009. (Með kvikmynd er hér átt við bíómyndir, leikið sjónvarpsefni, heimilda- og stuttmyndir). Þessi könnun færir okkur í fyrsta sinn staðreyndir um fjárhagslega þætti kvikmyndaframleiðslu á Íslandi. Frá sjónarhóli skattgreiðenda er meginniðurstaðan sú að þeir fjármunir sem ríkisvaldið fjárfestir í kvikmyndum skila sér að fullu til baka í formi launaskatta. Þá eru ótaldir aðrir beinir og óbeinir skattar. Fjárfesting í kvikmyndum skilar samfélaginu með öðrum orðum beinum fjárhagslegum arði.Í ljós kom einnig að 2.7 milljarða fjárfesting ríkisins í þessum kvikmyndum laðaði að sér rúma 4 milljarða af innlendu fjármagni og 5.2 milljarða af erlendu fjármagni.
Það er fjárfesting ríkisins sem laðar að sér þetta fjármagn því hún er forsenda þess að hægt sé að fjármagna myndirnar. Án þeirrar viðurkenningar sem kvikmyndasjóður heimalands gefur verkefninu fæst ekki annað fjármagn. Þess vegna eru íslenskir kvikmyndasjóðir þessum iðnaði svo gríðarlega mikilvægir - þótt aðeins 13% fjármagnsins sem til þarf komi úr þeim sjóðum.
Sókrates á að hafa sagt að öll ill verk stafi af fáfræði og í því ljósi má kannski skoða þá stefnu núverandi ríkisstjórnar að skera sértaklega mikið framlög til kvikmyndasjóða. Þessi nýja könnun sviftir hinsvegar burt hulu fáfræðinnar svo nú blasa staðreyndirnar við.
Hin efnahagslegu rök fyrir fjárfestingu ríkisins í kvikmyndum eru fleiri því fjöldi rannsókna hefur sýnt að kvikmyndir hafa veruleg bein áhrif á ferðamannastraum og þar með gjaldeyristekjur þjóðarinnar.
En kvikmyndaframleiðsla er ekki bara peningalega arðbær frá sjónarhóli ríkisins heldur hefur hún margvísleg önnur jákvæð áhrif. Hún skapar störf sem ungt fólk hefur áhuga á við að framleiða íslenskar menningarafurðir. Íslenskar sögur. Það er mikilvægt að þær sögur séu sagðar á tungumáli kvikmyndarinnar. Tungumáli sem hefur aðgang að fólki um alla veröldina - og ekki síður - unga fólkinu okkar.
Nú er þörf á mannaflsfrekum framkvæmdum til að örva íslenskt efnahagslíf. Kvikmyndaiðnaðurinn er tilvalinn til þess. Þessi nýja könnun sýnir að 2.7 milljaða fjárfesting ríkisins í kvikmyndum skilaði sér öll til baka með góðum vöxtum á skömmum tíma. Hún laðaði að sér innlent og erlent fjármagn svo hér var framleitt kvikmyndaefni fyrir 12 milljarða króna - og yfir 70% þess fjár fór í launagreiðslur. Býður einhver betur?
Hvað þarf til að ráðamenn hætti að tala um tiltrú sína á íslenskri nýsköpun, hugviti og handverki - og sýni hana í verki?
4.8.2010
Björn B. Björnsson: Sömu mistökin aftur?
11.5.2010
Björn Brynjúlfur Björnsson: Kvikmyndagerð og ferðaþjónusta
23.4.2010
Ragnar Bragason: Opið bréf til Katrínar Jakobsdóttur, ráðherra menningarmála
31.3.2010
Björn Br. Björnsson: Framleiðsla kvikmynda skilar okkur góðum arði
6.3.2010
Jón Egill Bergþórsson: Dagur Kári og gagnrýni
1.3.2010
Áhugaverðar greinar
25.2.2010
Um möguleika kvikmyndagerðar í kreppu
10.2.2010
Þorgerður Katrín skrifar um niðurskurð
8.2.2010
Opið bréf til utanríkisráðherra
8.2.2010
Annað opið lettersbréf, og það til Mennta- og menningarmálaráðherra og fjármálaráðherra
Björn B. Björnsson: Sömu mistökin aftur?
11.5.2010
Björn Brynjúlfur Björnsson: Kvikmyndagerð og ferðaþjónusta
23.4.2010
Ragnar Bragason: Opið bréf til Katrínar Jakobsdóttur, ráðherra menningarmála
31.3.2010
Björn Br. Björnsson: Framleiðsla kvikmynda skilar okkur góðum arði
6.3.2010
Jón Egill Bergþórsson: Dagur Kári og gagnrýni
1.3.2010
Áhugaverðar greinar
25.2.2010
Um möguleika kvikmyndagerðar í kreppu
10.2.2010
Þorgerður Katrín skrifar um niðurskurð
8.2.2010
Opið bréf til utanríkisráðherra
8.2.2010
Annað opið lettersbréf, og það til Mennta- og menningarmálaráðherra og fjármálaráðherra
Gerast áskrifandi
Gætið að réttu netfangi.
